Ноос ноолуур арьс ширэн бүтээгдэхүүн 2022 үзэсгэлэн

2022 оны Хөнгөн Аж Үйлдвэрийн салбарын хамгийн том үзэсгэлэн худалдаанд Ханбогд Кашмери өөрсдийн бүтээгдэхүүнийг танилцуулан амжилттай оролож байна. Тус үзэсгэлэн Мишээл экспо төвд 2022 оны 10 сарын 20-24-ны өдрүүдэд болж байгаа бөгөөд эрхэм үйлчлүүлэгчид та бүхнийг өргөнөөр оролцож манай булангаар зочлохыг урьж байна.

Дэлгэрэнгүй

Emerging Talents Milan 2022 шоунд оролцож байна

Милан хотыг дэлхийн загварын ертөнцийн 4 том нийслэлийн нэг гэдгээр хүн бүр мэднэ. Миланы загварын ертөнцийн төв болсон түүх дундад зуунаас эхлэлтэй бөгөөд одоогоор тус хотод 12,000 загварын компани, 800 шоу рүүм болон Armani, Prada, Valentino, Versace зэрэг дэлхийн нэр хүндтэй брэндүүдийн 6,000 гаруй дэлгүүр үйл ажиллагаа явуулдаг байна.Ханбогд Кашимерийн хувьд Emerging Talents Milan 2022 шоунд Regina хавар-зуны цуглуулгаа танилцуулахаар оролцож байгаа. Regina цуврал нь Монгол хатдын хувцас эдлэлийн баян тансаг загвар, хээ угалз, ховор нандин чимэг зүүлтийг орчин цагийн контемпорари урсгалтай хоршуулан эмэгтэй хүний гоо үзэсгэлэн, эрхэмсэг байдлыг феминист хэлбэрээр илэрхийлэхээр зорисон юм. Тус цуглуулга дээр Итали улсын мэргэжлийн дизайнерын багтай хамтарч ажилласан ба ирэх улирлын загварын чиг хандлага төдийгүй одоогийн хэрэглэгчдийн зан төлөв дээр тогтож судалсаны үндсэн дээр Монголын өв соёлыг феминизм болон контемпорари урсгалын чиг хандлагатай хоршуулан дээд зэргийн цэвэр Монгол ноолуур...

Дэлгэрэнгүй

“Текстилийн Тогтвортой Үйлдвэрлэл ба Эко-Шошгожуулалтын Төсөл”-өөс батламж

“Текстилийн Тогтвортой Үйлдвэрлэл ба Эко-Шошгожуулалтын Төсөл”-өөс батламж гардан авлаа. Үндэсний шилдэг үйлдвэрлэгч Ханбогд Кашимер ХХК үйлдвэрлэл, үйлчилгээндээ тогтвортой үйлдвэрлэл, ногоон хөгжлийн үндсэн зарчим, стандартуудыг мөрдөн ажилдаг билээ. Энэ удаад Европын Холбооны санхүүжилттэйгээр Монголын Ноос, Ноолуурын Холбоотой хамтран хэрэгжүүлсэн “Текстилийн Тогтвортой Үйлдвэрлэл ба Эко-шошгожуулалтын Төсөл”-ийн хүрээнд Ханбогд Кашимер ХХК нь MNS 6926:2021 Текстилийн Тогтвортой Үйлдвэрлэл үндэсний стандартыг амжилттай нэвтрүүлж, байгальд ээлтэй тогтвортой үйлдвэрлэлийг дэмжин ажиллаж нийгмийн хариуцлагаа хариуцлагатай биелүүлснийг нь өндрөөр үнэлэн БАТЛАМЖ гардуулсан юм. Хэрэгчлэгч таны манайхаас худалдан авсан бүтээгдэхүүн бүр тогтвортой үйлдвэрлэлийн стандартыг хангаж таны гарт хүрдэг билээ. Тогтвортой үйлдвэрлэлийг дэмжсэн танд баярлалаа.

Дэлгэрэнгүй

Олон Улсын Хүүхдийн Эрхийг Хамгаалах Өдөр

ХАНБОГД КАШИМЕРИЙН ХАМТ ОЛОН ХҮҮХДИЙН БАЯРАА ХАМТДАА ТЭМДЭГЛЭН ӨНГӨРҮҮЛЛЭЭ Монгол Улс Олон Улсын Хүүхдийн Эрхийг Хамгаалах Өдрийг 1952 оноос хойш тэмдэглэн өнгөрүүлж байна. Ханбогд Кашимерийн хамт олон коронавирусын халдвараас шалтгаалан сүүлийн 2 жил тасалдаад байсан Олон Улсын Хүүхдийн Эрхийг Хамгаалах Өдрийн арга хэмжээг энэ жил амжилттай зохион байгууллаа. Тус арга хэмжээнд Ханбогд Кашимерийн ажилчин, албан хаагчид хүүхдүүдийн хамт өргөнөөр оролцсон ба хүүхэд багачууд ээж, аавынхаа ажлын газартай танилцах бас нэгэн боломж олдсон юм. Уг өдөрлөгийн хүрээнд “Ирээдүйн Ханбогд” сэдэвт гар зургийн уралдаан 3 насны ангилалд зохион байгуулагдсан ба 3-6 насны ангилалд Г. Өлзийхишиг, 7-10 насны ангилалд А. Сувд, 11-15 насны ангилалд Б. Бодьнасан нар тус тус тэргүүн байр эзэлсэн. Бүтээлээ ирүүлж амжилттай оролцсон сурагчдын шагналыг Ханбогд Кашимерийн Ерөнхий захирал Ч. Ганцэцэг өөрийн биеэр гардуулсан юм. Түүнчлэн хүрэлцэн ирсэн хүүхэд бүрт баярын бэлэг гардуулж, төрөл бүрийн хөгжөөнт тоглоом, урлагийн...

Дэлгэрэнгүй

Албан ёсны нээлт

Хүндэт Баянхонгорчууддаа зориулан бүтээгдэхүүн, үйлчилгээгээ улам ойртуулахын тулд үндэсний шилдэг үйлдвэрлэгч Ханбогд Кашимер ХХК-ийн шинэ салбар дэлгүүр Баянхонгор аймгийн Баянхонгор хотод үүд хаалгаа нээлээ. Шинэлэг дүр төрх, тав тух, өргөн сонголтын хамтаар та бүхэндээ хамгийн сүүлийн үеийн шинэ коллекци, шилдэг загвар, пиджак, пальто, малгай ороолт, шааль, классик загварын бүтээгдэхүүнээс бүрдсэн #Ханбогд_брэндийн үндсэн салбар та бүхэнд дээд зэрэглэлийн үйлчилгээг санал болгож байна. Тав тухтай орчин, найрсаг хамт олон та бүхэнд үйлчилж байна. Хаяг: Баягхонгор | GS Center GS Tower, 78-р байр. Баянхонгор хот, Баянхонгор аймаг

Дэлгэрэнгүй

Тэр бум үндэсний хөдөлгөөн

ТЭРБУМ МОД үндэсний хөдөлгөөнд Ханбогд Кашимер ХХК нэгдлээ Монгол Улсын Ерөнхийлөгч У.Хүрэлсүхийн санаачилсан “ТЭРБУМ МОД” үндэсний хөдөлгөөнд Ханбогд кашимер ХХК нэгдлээ. Хүн төрөлхтний өмнө тулгарч буй дэлхийн уур амьсгал өөрчлөлтийн нөлөөллийг буруулах, цөлжилт, газрын доройтолтой тэмцэх, ой мод, ойн санг нэмэгдүүлэх, усны эх үүсвэр, нөөцийг хамгаалах, экологийн тэнцвэрт байдлыг хангах зорилготой бөгөөд Ханбогд кашимер ХХК 2030 хүртэлх хугацаанд 300,000 ширхэг модыг тарьж ургуулж цаашид арчлах хамгаалахаа төр засаг, ард түмнийхээ өмнө нотлон баталгаажууллаа. Ёслолд: Монгол Улсын Ерөнхийлөгч: У.Хүрэлсүх, Монгол Улсын Ерөнхий сайд, Уур амьсгалын өөрчлөлт, цөлжилтийг бууруулах үндэсний хорооны дарга: Л.Оюун-Эрдэнэ, Байгаль орчин, аялал жуулчлалын сайд: Б.Бат-Эрдэнэ, Ханбогд Кашимер ХХК Ерөнхий захирал: Ч.Ганцэцэг болон албаны бусад хүн оролцов.

Дэлгэрэнгүй

Казах түмэндээ наурызын баярын мэнд

S u s t a i n a b l e  M o n g o l i a n  C a s h m e r eӨргөн уудам эх орныхоо өнцөг булан бүрт амьдран суугаа Казах түмэндээ Нарны баяр-Хаврын баяр Наурызын баярын мэндийг “Ханбогд Кашимер”-ийн зүгээс өргөн дэвшүүлж, хүндэтгэн мэндчилье.  Үндэстэй бүхэн урган дэлгэрч үртэй бүхэн өсөн үрждэг урин хаврын эхлэл, Казах түмний олон зуун жилийн түүхэн уламжлалт Наурыз баяраараа үгийн сайхныг хэлэлцэн, үйлсийн сайныг ярилцан хотлоороо хосгүй жаргалтай, юу хүссэн есөн цагаан хүсэл нь сэтгэчлэн биелж байхын өлзийтэй ерөөлийг өргөн дэвшүүлье.Наурыз Мейрамы Хутты Болсын.

Дэлгэрэнгүй

Ханбогд кашимер ХХК 2022 оны спортын наадам

ХанбогдКашимерХХК-иас жил бүр уламжлал болгон явагддаг “ШИЛЖИН ЯВАХ ЦОМ”-ын төлөөх спортын дөрвөн төрөлт тэмцээн 2022 оны 03 дугаар сарын 19-ны өдөр амжилттай зохион байгуулагдаж, шилдгүүдээ тодрууллаа. Ханбогд Кашимер ХХК-ийн салбар компани, үйлдвэр, хэлтэс, нэгжүүдийн дунд жил бүр ажилтнуудын бие бялдрыг чийрэгжүүлэх, чөлөөт цаг завыг зөв болсон өнгөрүүлэх зорилгоор нөхөрсөг тэмцээнийг уламжлал болгон зохион байгуулдаг билээ. Тэмцээнд нийт 500 гаруй тамирчин ганцаарчилсан болонбагийн төрөлд хурд хүч, оюун ухаан, авхаалж самбаагаа сорьж оролцсон бөгөөд 4 төрөлт тэмцээний нийлбэр дүнгээр Ханбогд Кашимерийн Сүлжих Үйлдвэрийн баг, хамт олноо хошуучилж “ТЭРГҮҮН” байр эзэлж, “ШИЛЖИН ЯВАХ ЦОМ”-ын эзэн болсон юм. Тэмцээнд идэвх зүтгэл гарган оролцсон нийт баг, тамирчдадаа гүн талархал илэрхийлж, спортын өндөр их амжилт хүсэн ерөөе. Бид ХАНБОГДчууд!

Дэлгэрэнгүй

Алтан Батламжлал

ХАНБОГД КАШИМЕР ХХК Англи улсын Лондон хотод төвтэй олон улсын Sustainable Fibre Alliance (SFA) байгууллагаас Монгол улсдаа анхны “АЛТАН БАТЛАМЖЛАЛ” үйлдвэрлэгч болсон. “АЛТАН БАТЛАМЖЛАЛ” Тогтвортой ноос ноолуурын эвслийн Цэвэр ноолуур боловсруулах Зохистой дадлын стандарт (V.1)-ын дагуу тохирлын үнэлгээнд хамрагдаж, зохих шаардлагыг хангасан тул АЛТАН БАТЛАМЖЛАЛ гэрчилгээ олгов. 2021/08/24 Монголын ноолуур боловсруулах үйлдвэр, аж ахуйн нэгжүүд нийгэм, байгаль орчин, хөдөлмөр хамгаалал зэрэг үзүүлэлтээр тогтвортойгоор үйлдвэрлэл эрхлэх олон улсын жишиг шаардлагыг хангаснаар гадаад худалдааны зах зээлд нээлттэй өрсөлдөх чадвар нэмэгдэж байна. 2020 онд SFA-ийн “Цэвэр ноолуур боловсруулах зохистой дадал”-ын үнэлгээгээр “МӨНГӨН БАТЛАМЖЛАЛТ”, 2021 онд тус салбартаа анхны SFA-ийн “АЛТАН БАТЛАМЖЛАЛ” гэрчилгээг хүртсэн KHANBOGD CASHMERE энэхүү сүлжээний найдвартай үйлдвэрлэгч болон ажиллаж байна.

Дэлгэрэнгүй

“Монголын Хаан Ширхэгт-Mnfs3” тохирлын гэрчилгээг амжилттай баталгаажууллаа

Mонгол ноос, ноолуур болон бусад ширхэгтийн чанар, давуу талыг дэлхийд таниулах зорилгоор оюуны өмчийн газраас баталгаажсан, олон улсын стандартын шаардлагад нийцсэн “Монголын Хаан Ширхэгт – MNFS3” Тохирлын Гэрчилгээг амжилттай баталгаажуулж гардан авлаа. Уг гэрчилгээ нь Ханбогд Кашимер ХХК-ийн боловсруулсан ноолуур чанар, стандартын өндөр шаардлага хангасан, байгальд ээлтэй, тогтвортой үйлдвэрлэлээр үйлдвэрлэгдсэн болохыг дахин баталгаажуулж байгаа юм.

Дэлгэрэнгүй